Dilynwch y camau syml hyn gan Pylonman i gadw’n ddiogel bob amser:
Ceisio nôl pêl o is-orsaf:
Peidiwch BYTH a cheisio nôl unrhyw beth o is-orsaf. Mae trydan yn gallu bod yn dwyllodrus a gall eich lladd os ewch chi'n rhy agos.
Chwarae yn ymyl gwaith ffordd:
Peidiwch BYTH â chwarae yn ymyl gwaith ffordd na gwthio rhwystrau o'r ffordd. Gallech gael eich anafu neu achosi peryg i eraill.
Dringo peilonau neu bolion:
Peidiwch BYTH â dringo peilonau neu bolion sy’n cludo gwifrau uwchben. Mae trydan yn gallu bod yn dwyllodrus a gall eich lladd. Gallech syrthio a brifo.
Cwch gyda mast sy’n cael ei gwthio o dan wifrau uwchben:
CADWCH YN GLIR O UNRHYW WIFRAU UWCHBEN. Rhybuddiwch unrhyw un sydd mewn perygl o gyffwrdd gwifrau uwchben.
Barcud sy’n hedfan wrth ymyl gwifrau uwchben:
OS YW EICH BARCUD AR FIN CYFFWRDD GWIFRAU UWCHBEN GOLLYNGWCH EICH GAFAEL YNDDO. Os yw’n mynd yn sownd, gadewch iddo fod, a ffoniwch y cwmni trydan. Os yw’r llinyn yn hongian ffoniwch yr heddlu. Peidiwch â’i gyffwrdd oherwydd mae trydan yn gallu teithio ar hyd y llinyn. llinyn. lliny
Polion pabell yn cael eu dal yn uchel o dan wifrau trydan:
Peidiwch BYTH â gosod eich pabell yn agos at wifrau uwchben. Edrychwch i fyny a byddwch yn ofalus wrth symud gwrthrychau hir.
Pysgota yn agos at wifrau uwchben:
Peidiwch BYTH â physgota yn agos at wifrau uwchben. Tynnwch eich gwialen bysgota’n ddarnau cyn ei symud o un lle i’r llall.
Taflu pethau at wifrau trydan:
Peidiwch BYTH â cheisio gwneud difrod i gyfarpar trydanol. Gallech gael eich anafu neu achosi perygl i eraill. Os byddwch yn creu toriad trydan byddwch yn rhoi bywydau pobl eraill mewn risg.
Chwarae mewn adeilad gwag:
CADWCH DRAW O ADEILADAU GWAG. Os nad yw’r trydan wedi ei ddatgysylltu, gallai eich lladd.
Chwarae â golau stryd sydd wedi ei fandaleiddio:
Peidiwch BYTH â chwarae â goleuadau stryd sydd wedi eu fandaleiddio. Gallai gwifrau noeth eich lladd.
Dringo coeden, chwifio ffon yn agos at wifrau trydan:
CADWCH DRAW O UNRHYW WIFRAU UWCHBEN
Fandaleiddio is-orsaf:
Peidiwch BYTH ag ymyrryd â chyfarpar trydanol, na gwneud difrod iddo. Gallech anafu eich hun a rhoi eraill mewn perygl os byddwch yn achosi toriad trydan. Ac mae’n anghyfreithlon!
Beth ddylech ei wneud os bydd rhywbeth yn mynd o’i le:
I nôl rhywbeth o is-orsaf:
- Peidiwch byth â mynd i mewn i is-orsaf i nôl unrhyw beth yr ydych chi wedi ei golli.
- Ffoniwch y cwmni trydan lleol i’w gael yn ôl.
- Defnyddiwch y rhif sydd ar yr is-orsaf – neu chwiliwch amdano o dan ‘T’ ar gyfer ‘Trydan’ yn y llyfr ffôn.
- Rhowch wybod ble mae’r is-orsaf a beth ydych chi wedi ei golli. Byddan nhw’n ceisio’i gael yn ôl i chi.
- Cofiwch – fyddwch chi ddim yn mynd i drwbl am ddweud wrth bobl fod problem wedi codi.
Os yw bywyd rhywun mewn perygl:
- Os oes rhywun wedi cael ei anafu ffoniwch 999 a galwch am ambiwlans a’r heddlu.
Os yw rhywun wedi dod i gyswllt â gwifrau byw:
- Peidiwch â’u cyffwrdd
- Cysylltwch â’r heddlu a’r cwmni trydan lleol er mwyn diffodd y trydan.
Peidiwch ag anwybyddu’r arwydd ‘Perygl Marwolaeth’
- Maent yno i’ch rhybuddio bod trydan yn beryglus os ewch yn agos ato. Mae trydan yn ddiogel oni bai eich bod yn ymyrryd ag o. Os ydych chi’n torri i mewn i is-orsafoedd neu’n mynd yn rhy agos at gyfarpar trydan, bydd yn eich lladd!