Cwsmeriaid â Blaenoriaeth
Cwsmeriaid sy'n ddibynnol ar feddyginiaeth
Gall toriadau mewn cyflenwad beri pryder neilltuol i gwsmeriaid sy'n dibynnu ar drydan ar gyfer gofal meddygol yn y cartref, neu sydd ag anghenion cyfathrebu arbennig.
Os yw cwsmeriaid yn dibynnu ar drydan am resymau meddygol, neu ag anghenion cyfathrebu arbennig (megis bod yn ddall neu fyddar, er enghraifft), gallant ymuno â'n Cofrestr Gwasanaethau Blaenoriaeth, yna gallwn -
- Roi rhif uniongyrchol i'w ffonio fel y gall cwsmeriaid fynd drwodd yn syth atom os bydd toriad yn y cyflenwad.
- Ffonio a hysbysu cwsmeriaid ynglŷn â thoriadau i'r cyflenwad fydd wedi’u trefnu ymlaen llaw.
- Cytuno ar gyfrinair os bydd angen, cyn i ni ymweld, fel bod cwsmeriaid yn teimlo'n ddiogel
Ticiwch
yma os gwelwch yn dda am wybodaeth am sut i ymuno â'n Cofrestr Gwasanaethau Blaenoriaeth.
Ticiwch
yma os gwelwch yn dda am fwy o wybodaeth am ein gwasanaethau a sut i gysylltu â ni.
Ticiwch
yma os gwelwch yn dda am ein taflen cyngor ar doriad i'r cyflenwad.
Cwsmeriaid eraill sy'n agored i niwed
Rydym yn cydnabod bod yna nifer o gwsmeriaid sy'n agored i niwed nad ydynt yn perthyn i'r categori hwn, ond a all fod angen cymorth arnynt yn ystod cyfnod hir heb gyflenwad.
Gall cwsmeriaid sy'n agored i niwed sydd ar ein cofrestr ofyn i ni gytuno ar gyfrinair gyda hwy petaem ni angen ymweld â hwy. Bydd hyn yn sicrhau eu bod yn teimlo'n ddiogel a'u bod yn gwybod pwy sydd wrth y drws.
Mae ein menter rownd y cloc gyda Gwasanaeth Gwirfoddol Brenhinol y Merched (WRVS) wedi ei ddylunio i helpu. Gall WRVS roi cymorth i'r rhai hynny sydd wedi bod heb bŵer am fwy na phedair awr ac nad oes ganddynt fynediad at ddŵr poeth na bwyd.
Mae gennym gytundeb hefyd gyda'r Groes Goch Brydeinig sy'n eu galluogi hwy i fynychu argyfyngau mawr a chynorthwyo cwsmeriaid sydd heb bŵer.